Kritika të ashpra ka lëshuar nënkryetari i Partisë Demokratike, Oerd Bylykbashi ndaj reformës në drejtësi.
Pyetjes nëse PD do ta zhbëjë këtë reformë, zyrtari i PD iu përgjigj me diplomaci se ajo do të zhbëjë veten për shkak të ngërçit të krijuar me mijëra dosje të mbetura pezull dhe pa zgjidhje.
“Kjo reformë në drejtësi do të zhbëjë veten. A e dini çfarë kanë bërë? Bëni një sondazh te të gjithë avokatët e Shqipërisë, tek ata mijëra avokatë, te ata 500 mijë persona që preken nga 33 mijë dosje që mbahen peng, se çfarë mendojnë për reformën në drejtësi. Nuk merr fund ferri i drejtësisë këtu. 66% e çështjeve janë civilë, kanë ngelur edhe për divorc, nuk divorcohen dot njerëzit. Ndahet burri me gruan, e çon në apel për çështjen e pagesës, dhe ndërkohë ka lindur fëmijë me partneren tjetër e nuk martohet dot”, tha Bylykbashi në Off the Record për Andrea Dangllin.
