Sipas njërit prej kompanive furnizuese me energji elektrike, një defekt i rrjetit elektrik ka lënë Argjentinën dhe Uruguain pa rrymë. Mediat kanë raportuar se nga ndërprerja e rrymës janë prekur edhe disa rajone të Brazilit dhe Paraguait.
Mediat argjentinase njoftuan se rryma është ndërprerë disa minuta pas orës shtatë sipas kohës lokale. Kjo ndërprerje shkaktoi bllokim të trenave dhe probleme në trafik për shkak të fikjes së semaforëve.
Problemi me rrymën u shfaq gjithashtu në kohën kur disa rajone të Argjentinës po përgatiteshin për zgjedhje lokale.
“Një problem i madh në sistemin e interkoneksionit elektrik i ka lënë Argjentinën dhe Uruguain pa rrymë”, thuhet në njoftimin e kompanisë “Edesur”./l.m
