Arbër Hajdari është një personazh i njohur për të gjithë shqiptarët. Themeluesi i “Fundjavës Ndryshe” ka ndezur një dritë shprese për familjet e varfëra në Shqipëri.
I riu që ka ndihmuar dhjetëra familje të varfëra, falë nismës së tij që u përhap ngado, po përfaqëson Shqipërinë në programin e Vizitorit Udhëheqës Ndërkombëtar (IVLP) për “Vullnetarizmin dhe Veprimin Qytetar.”
Njoftimi është bërë i ditur nga ambasada amerikane në Tiranë
“Arber Hajdari nga Fundjavë Ndryshe po përfaqëson Shqipërinë në programin e Vizitorit Udhëheqës Ndërkombëtar (IVLP) për “Vullnetarizmin dhe Veprimin Qytetar.”, shkruan ambasada amerikane.
Si u themelua “Fundjava Ndryshe”
E gjitha nisi si një nismë personale e një studenti, i cili duke parë nevojat e shumta, vendosi që ta bëjë publike për shkak të pamundësisë për të ndihmuar të gjithë njerëzit në nevojë. Nisma e tij u përhap përtej kufijve, deri tek shqiptarët në Amerikë, që vendosën të kontribuonin duke ndihmuar familjet e tjera shqiptare që vuanin në varfëri ekstreme.
Emri i Arbër Hajdarit është tashmë i pandashëm nga nisma e tij që bën njerëzit të lumtur, një nismë që nisi më 27 tetor 2015, duke u dhënë shpresë dhjetëra e dhjetëra familjeve shqiptare në nevojë./ Javanews.al/a.ç
