Kryeministri, Edi Rama, i ka kërkuar sot Gjykatës Kushtetuese, që të çlirojë sa më parë ligjin për Vetting-un. Këtë kërkesë Rama e ka bërë në një postim në faqen e tij on line, duke nënvizuar se duhet të nisë sa më parë puna për zbatimin e ligjit të Vetting-ut për gjyqtarët dhe prokurorët. Kryeministri nënvizon se Shqipëria është tashmë një vend i respektuar për reformat dhe i mirëpritur në tryezën e negociatave për anëtarësim. Zbatimi i ligjit të vetting-ut është bllokuar nga Gjykata Kushtetuese pas kërkesës së PD-së, e cila ia ka çuar për opinion këtë ligj Komisionit të Venecias. PD kërkon edhe shfuqizmin e këtij ligji, i cili në thelb prek rëndë domenet e PD-së në sistemin e drejtësisë, domene që e kanë diskretituar shtetin ligjor, barazinë para ligjit dhe e kanë kalbur në palcë sistemin e drejtësisë në Shqipëri.
Më poshtë postimi i Ramës:
“Shqipëria vend i respektuar për reformat dhe i mirëpritur në tryezën e negociatave për anëtarësim🇦🇱 (Gjykata Kushtetuese të çlirojë sa më parë Ligjin për Vetingun e Gjykatësve e Prokurorëve dhe të nisë puna për zbatimin e tij)”
Me. Ar
