Ministria e Mbrojtjes ka ndarë një kartolinë të veçantë urimi për festat e fundvitit. Një vizatim nga duart e një vajze, bijë e një efektivi të Forcave të Armatosura.
Një vogëlushe me lule në duar dhe babai ushtarak mbi kokat e të cilëve qëndron flamuri shqiptar. Vizatim që flet shumë për sakrificën e ushtarakëve teksa nisen në misione të vështira, sidomos ato paqeruajtëse, pasi Shqipëria është pjesë e NATO-s. E lulet simbolizojnë takimin me familjen dhe shpresën se së shpejti do t’i shohin sërish mirë të afërmit e tyre.
“Nuk ka dhuratë më të bukur se dhurata nga duart e një fëmije. Këtë fundviti, kartolina jonë e urimit mban firmën e fëmijëve të efektivëve të Forcave të Armatosura. Anxhelina Zholi është një prej talenteve që i gjen në të gjitha strukturat e FA. Gëzuar festat e fundvitit ,nga duart e pasurisë më të madhe që një familje ka, fëmijët!
Nga Olta Xhaçka
Ministër i Mbrojtjes”, është urimi i ministres.
Por e veçanta e këtij vizatimi është edhe një tjetër. Vajza quhet Anxhelina Zholi, emër dhe mbiemër i njëjtë me atë të aktores holivudiane. /b.d