Është e ndaluar të rrahësh fëmijët. E ndaluar t’u fusësh duart grave. E ndaluar të godasësh të tjerët. Këto janë disa nga mësimet e përfshira në aplikacionin e ri për smartphone Ankommen (Mbërritja), i cili ka për qëllim të ndihmojë refugjatët të integrohen në jetën gjermane. Aplikacioni është në pesë gjuhë, anglisht, frëngjisht, gjermanisht, arabisht e persisht, falas dhe i krijuar nga Zyra Federale për Emigracionin, Instituti Goethe dhe radiotelevizioni bavarez Bayerischer Rundfunk. Përgjegjëska për përmbajtjen e aplikacionit, Susanne Poelchau, shpjegon për Der Tagesspiegel: “Duhet të përmirësojmë integrimin. Po provojmë ta bëjmë edhe në këtë mënyrë”.
Ankommen ka pasur sukses që nga dalja, më 13 janar, por nuk kanë munguar as mesazhet kundër, të cilat vënë në dukje se një guidë për zakonet lokale u duhet më tepër perëndimorëve që gjenden në Lindjen e Mesme.
