Mëngjesin e sotëm është ankoruar në portin më të madh në vend, anija turistike “Monet”, e cila ka në bord 24 turistë të huaj dhe 17 persona ekuipazh. “Monet” është ankoruar në kalatën 5 të portit detar, ndërsa nga Autoriteti Portual Durrës janë marrë të gjitha masat për krijimin kushteve në akostimin e anijes dhe orientimin e turistëve.
Turistët e huaj kryesisht nga SHBA, Britania e Madhe dhe Kroacia, janë drejtuar në qendrat muzeale dhe historike të Durrësit, Krujës dhe Tiranës. Sipas Autoritetit Portual të Durrrësit, ky është lundrimi i parë i kësaj anije turistike në vendin tonë.
Anija turistike ka gjatësi 68 m, mban flamurin e St. Vincent&Grenadines. Deri në fund të këtij viti në Durrës parashikohet të mbërrijnë pesë veliera dhe kroçera të tjera. /l.m
