Zbulohet i dashuri i modeles shkodrane Angela Martini. Ai është Dragos Savulescu, producent filmash, i cili hyri në këtë industri në vitin 2013. Ai është lindur e rritur në Bukuresht të Rumanisë, ndërsa së fundmi jeton në Los Angeles, ku dhe është njohur me modelen bukuroshe Martini.
Dragos Savulescu deri më 2012 ka qenë president i klubit të futbollit Dinamo Bukuresht.
Savulescu është një biznesmen i shquar me sipërmarrje të suksesshme në pasuri të patundshme, ku ka zhvilluar një portofol të fortë të transaksioneve të pasurive të patundshme që arrijnë në disa miliardë euro, si dhe është marrë me turizëm, konsulencë, shkëmbim të aksioneve, sport dhe me botime.
Miqtë e afërt të modeles nuk kanë zbuluar detaje për njohjen e tyre, por ata konfirmojnë se aktualisht Angela Martini po shijon Festivalin e Kanës krah të dashurit të saj supermiliarder.
Who/d.i.
