Ambasadori i Bashkimit Europian në Shqipëri, Silvio Gonzato, ka theksuar rëndësinë e përfshirjes së sektorit privat në procesin e integrimit europian të vendit, duke e konsideruar atë një sfidë të rëndësishme për muajt e ardhshëm.
Këtë deklaratë ai e bëri gjatë ceremonisë së hapjes së Edicionit të X-të të Shkollës së Integrimit Europian, të mbajtur këtë të hënë, më 10 nëntor, ku Gonzato u pyet nga një përfaqësuese e biznesit mbi rolin e diplomacisë ekonomike.
“Faleminderit për pyetjen, jo domosdoshmërisht do përdorja termin diplomaci ekonomike. Jam mjaft i familjarizuar për këtë çështje, mungesa e informacionit në procesin e integrimit në BE. Është një çështje që e kam ngritur. Duhen përfshirë edhe më përpara, për të marrë reflektime për të kuptuar si mund të zbatohen. Kjo është absolutisht diçka që e shohim si një sfidë të rëndësishme muajt që vijnë. Ja pse ka tryeza të rrumbullakëta të organizuara nga qeveria me grupime të ndryshme.”, tha Gonzato.
Ambasadori theksoi se ndërsa miratimi i ligjit është relativisht i lehtë, zbatimi i tij paraqet një sfidë të vërtetë.
“Miratimi i ligjit është relativisht i lehtë, zbatimi i ligjit jo. Duke përfshirë kufizimet, sfidat tuaja e kështu me radhë. Kjo është e rëndësishme, sa i takon asaj që unë kuptoj me diplomaci ekonomike.”, vazhdo ai.
Ambasadori i BE-së theksoi gjithashtu se bizneset nuk konsiderojnë vetëm aspektin ekonomik kur vendosin ku të investojnë: “Bizneset nuk investojnë në vende ku ka probleme me pronësinë, ku korrupsioni është i përhapur. Nuk është tërësisht ekonomik. Ka të bëjë dhe me kapitalin e huaj, sepse duhen aftësi për të qenë tërheqës, por duhet edhe sundimi i ligjit.”
Kryeatri i Kuvendit Niko Peleshi nga ana tjetër shtoi se: “Do ta shihja jo si nevojë por nevojë ekzistenciale gjithëpërfshirjen e në rastin konkret të botës së biznesit në procesin e integrimit europian.“
