Mungon vetëm zyrtarizimi i kalimit të trajnerit Carlo Ancelotti te skuadra e Everton në Premier League. Të gjithë tifozët e “Toffees” mezi presin këtë lëvizje në merkato, pasi bëhet fjalë për një trajner të madh, por nuk është i këtij mendimi Jamie Carragher.
Ish-ylli i Liverpool tha: “Është një trajner me të cilin drejtuesit e Everton mund të mburren, se ka fituar më shumë se Klopp. Ka fituar më shumë Champions dhe sjell shumë bagazh te skuadra e re”.
“Gjithsesi, kjo gjë nuk do ta ndryshojë situatën tek Everton. Siç e kam thënë, nuk jam aspak i bindur që Ancelotti është trajneri i duhur për Everton apo për Arsenal. Te këto skuadra duhet shumë punë për të bërë dhe Ancelotti nuk ka shkëlqyer asnjëherë kur ka qenë për të bërë kaq shumë punë”, tha Carragher.
