Lëvizja Vetëvendosje do të tentojë që ratifikimin e demarkacionit ta bllokojë përmes mjeteve demokratike. Zyrtarë të kësaj partie kanë mohuar se do të hedhin gaz lotsjelles sot në Kuvend, ku në rend dite do të jetë ratifikimi i marrëveshjes për kufirin me Malin e Zi.
Deputetja e kësaj partie Fitore Pacolli ka thënë për lajmi.net se ata ratifikimin e demarkacionit do ta bllokojnë me votë në Kuvend “Veprimet tona do te jene demokratike. Votimin e demarkacionit do ta bllokojmë përmes votës tonë”, ka thënë Pacolli për lajmi.net.
Radiotelevizioni i Kosovës, ka publikuar një shkrim në portalin e vet në të cilin citohet një “zyrtar i BIA” serbe e që, sipas tij, sot do të hidhet gaz lotsjellës gjatë seancës së Kuvendit të Kosovës për Demarkacionin Vetëvendosja para 2 vitesh së bashku me AAK-në dhe Nismën që tash janë në pushtet, bllokuan punën e Kuvendit për disa muaj. Kjo duke kundërshtuar marrëveshjen e Demarkacionit dhe Asociacionit.
Koalicioni Qeverisës i cili ka mbështetjen edhe të LDK-së, beson se demarkacioni do të kalojë. Kjo pasi me kthimin e Donika Kadaj-Bujpit në AAK janë siguruar 79 vota, dhe po ashtu besojnë se deputeti nga radhët grupit parlamentar të Listës Serbe, Adem Hodza do ta votojë. (b.an)
