Kreu i PD-së, Lulzim Basha ka përzgjedhur emrat e zyrtarëve të kësaj force politike që do të delegojë në qarqet e vendit për të bërë analizën e humbjes në zgjedhjet e 25 qershorit.
Nga lista e publikuar në “Politiko.al”, bie në sy fakti se Basha ua ka besuar analizën dhe të gjithë procesin, në një pjesë të madhe, sekretarëve të partisë. Shumë prej tyre kanë qenë mjaft aktiv në katër vitet e para të opozitës, por Basha nuk i përfshiu në listat e kandidatëve për deputetë, ndërsa theksoi se politika dhe angazhimi për PD-në mund të zhvillohet edhe jashtë Kuvendit.
Shkodrën, Basha ia ka besuar Kreshnik Çollakut, në Dibër ka dërguar Jemin Gjanën, në Elbasan Eris Hoxhën me Kastriot Sulkën, në Fier Gazmend Bardhin dhe Ervin Minarollin, në Vlorë Fatbardh Kadillin dhe në Tiranë ka zgjedhur Gerti Bogdanin, Ivi Kason dhe Jamarbër Malltezin.
Lista e plotë:
Shkodër – Kreshnik Çollaku
Kukës – Arben Ibroja
Lezhë – Alfred Spahiu
Dibër – Jemin Gjana
Durrës – Ferdinand Xhaferri; Bledi Kasmi
Elbasan – Eris Hoxha; Kastriot Sulka
Fier – Gazmend Bardhi; Ervin Minarolli
Korçë – Arben Ristani
Berat – Enno Bozdo
Vlorë – Fatbardh Kadilli
Gjirokastër – Flori Xhuti
Tiranë – Gerti Bogdani; Ivi Kaso; Jamarbër Malltezi; Bujar Vukaj; Flamur Hoxha; Helidon Bushati./a.m.
