Shqipëria është ndër vendet më analfabete në fushën financiare. Sipas raportit të fundit të Standard & Poor’s, i vetmi vend që lëmë pas, është Jemeni.
Raporti tregon se në Shqipëri 14 % është përqindja e të rriturve që kanë njohuri financiare. Krahasuar me rajonin, ne jemi të fundit, teksa performancë më të mirë tregon Mali I Zi, në të cilin 48 % e të rriturve kanë njohuri, ndjekur nga Serbia me 38 %, Bosnja dhe Hercegovina me 27 % dhe Kosova, me 20 % të të rriturve me njohuri financiare.
Raporti tregon, se dy në tre të rritur në mbarë botën janë financiarisht analfabetë.
Vendet skandinave kanë normat më të larta të njohurive financiare në nivel global, kryeson Norvegjia , Danimarka dhe Suedia me 71% secili. Më pas, ndjek Izraeli (68%) , Kanadaja (68%), Mbretëria e Bashkuar (67%), Holanda (66%) dhe Gjermania (66 %), që janë gjithashtu në mesin e vendeve më të shkolluara nga ana financiare në botë .
Ndërsa për vendet me normën më të ulët, sikurse Afganistani, Shqipëria dhe Jemeni, një në shtatë banorë janë financiarisht analfabetë.
Globalisht, hendeku gjinor në njohurive financiare është: 35 % e meshkujve janë me njohuri financiare, në krahasim me 30% të femrave . Mangësitë gjinore janë të pranishme në shumicën e vendeve, madje edhe në ato të zhvilluara, thekson raporti. Hendeku gjinor është i theksuar edhe në SHBA , për shembull , ku kultura financiare për meshkuj është 10 pikë më e lartë se efemrave . Përveç këtyre ndasive , SHBA gjithashtu vuan nga mangësitë e mëdha për edukim financiar nga të ardhurat dhe arsim. Raporti nënvizon se, Pa një kuptim të koncepteve themelore financiare , njerëzit nuk janë të pajisura mirë që të marrin vendime lidhur me menaxhimin financiar. Njerëzit të cilët janë financiarisht të ditur, kanë aftësinë për të bërë zgjedhje të informuara financiare për kursimin, duke investuar, mbi huamarrjen , për biznese etj.
MONITOR
