Ligji i amnistisë i propozuar nga Ministria e Drejtësisë do të pësojë ndryshime. Deputetët e Partisë Socialiste pritet të paraqesin amendamente që zgjerojnë gamën e përfituesve.
Sipas variantit të Ministrisë së Drejtësisë, nga fundi i janarit pritet të lejnë burgjet rreth 670 të burgosur, ndër to 15 gra mbi 55 vjeç, 7 burra mbi 65 vjeç, 8 të mitur dhe 15 të burgosur në prag të vdekjes. Por prej amnistisë nuk do të përfitojë asnjë zyrtar i lartë nën hetim apo i dënuar.
Sipas Ministrisë së Drejtësisë lirohen nga burgu të gjithë ata që janë dënuar deri në 10 dhjetor 2016, me burgim deri në 2 vjet, pavarësisht sesa kohë u ka mbetur për të shlyer, të burgosurit e sëmurë me sëmundje të pashërueshme dhe dëmtime të rënda të përhershme fizike. Si dhe pushohen ndjekjet penale për krimet e dënueshme deri në 2 vjet të kryera brenda datës 30 nëntor. Në amendamentet që de[utet socialiste po përgatisin specifikohet qartësisht se cilat janë dëmtimet e përhershme fizike, pasi dhe Dritan Dajti është një rast i tillë, pavarësisht se vrasja nuk përfshihet tek krimet që amnistohen.
Gjithashtu socialistët do të zgjerojnë gamën e përfituesve duke future në amnisti të gjithë ata që kanë bërë krime të dënueshme deri në 3 vjet. Nëse nuk arrihet dakordësia me LSI-në deri këtë të enjte, deputetët në mbledhjen e grupit parlamentar socialist janë paralajmëruar se do ët duhet të përgatiten në një seancë jashtë radhe plenare 2 ditë para vitit të ri.
ma.me
