Pavarësisht se pati debate të shumta mes mazhorancës dhe opozitës në lidhje me projekligjin për aministinë, të dy kahet politike janë bashkuar, duke votuar me konsensus pr.ligjin.
Në votimin nen për nen të draftit, deputeti i PD Eduard Halimi ka propozuar që në aminsti të përfshihen edhe personat që janë dënuar për vjedhjen e energjisë elektrike, gjë për të cilën u ra dakort.
Kështu të 110 deputett e pranishëm në sallë votuan pro Aministisë së fundvitit.
Nga amnistia përfitojnë:
a) personat e dënuar vendim gjyqësor të formës së prerë, me burgim deri në 2 vjet për dënime të dhëna deri në datën 30 nëntor 2015, pavarësisht nga koha e mbetur nga dënimi, me përjashtim të personave të dënuar për veprat penale, të parashikuara në nenin 5, të këtij ligji;
b) personat e dënuar me vendim të formës së prerë, me gjobë (për pjesën financiare të pashlyer të dënimit deri në datën 30 nëntor 2015) ose personat, për të cilët gjykata deri më datën 30 nëntor 2015 ka caktuar një nga llojet e alternativave të dënimit;
c) personat e dënuar me burgim, të cilëve, deri në datën e hyrjes në fuqi të këtij ligji, u kanë mbetur pa vuajtur nga ky dënim deri në 2 vjet, me përjashtim të personave të dënuar për veprat penale, të parashikuara në nenin 5, të këtij ligji;
ç) personat e dënuara femra, që, në datën e hyrjes në fuqi të këtij ligji, janë baras ose mbi moshën 50 vjeç, me përjashtim të personave të dënuar për veprat penale, të parashikuara në nenin 5, të këtij ligji;
d) personat e dënuar meshkuj, që, në datën e hyrjes në fuqi të këtij ligji, janë baras ose mbi moshën 60 vjeç, me përjashtim të personave të dënuar për veprat penale, të parashikuara në nenin 5, të këtij ligji;
dh) personat e dënuar me burgim, të cilët, në kohën e kryerjes së veprës penale, kanë qenë baras ose nën moshën 18 vjeç, me përjashtim të atyre që janë dënuar për disa vepra penale të rënda.
Ndërkohë parlamenti ka miratuar të gjitha projektligjet e parashikuara në rend dite, përfshirë edhe atë të lojrave të fatit:
-Projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe Qeverisë së Republikës së Singaporit, për shërbimet ajrore”
-Projektligji “Për ratifikimin e dokumentit ndryshues të marrëveshjes së huasë, ndërmjet qeverisë së Republikës së Shqipërisë dhe Fondit për Zhvillim Abu Dhabi, për financimin e projektit të Bulevardit Verior dhe të rehabilitimit të lumit të Tiranës”
-Projektligj “Për ratifikimin e Konventës së Këshillit të Evropës kundër trafikimit të organeve njerëzore”
-Projektligji “Për ratifikimin e marrëveshjes, ndërmjet Republikës së Shqipërisë dhe Hungarisë, për mbrojtjen shoqërore”
-Projektligji “Për shërbimin e mbrojtjes nga zjarri dhe shpëtimin”
-Projektligj “Për ratifikimin e dokumenteve ndryshuese, me shkëmbim notash, të marrëveshjes, ndërmjet Këshillit të Ministrave të Republikës së Shqipërisë, përfaqësuar nga ministria e Mbrojtjes, dhe qeverisë së Republikës së Italisë, përfaqësuar nga ministria e Punëve të Jashtme, për realizimin e programit “Fuqizimi i Qendrës Traumatologjike Kombëtare të Tiranës”, nënshkruar më 12.7.2006”
-Projektligji “Për amnistinë”
-Projektvendimi “Për miratimin e strukturës, organikës dhe kategorizimeve të pozicioneve të punës të Inspektoriatit të Lartë të Deklarimit dhe Kontrollit të Pasurive dhe
Konfliktit të Interesave”
-Për lojrat e fatit në Republikën e Shqipërisë”
