Skandali i aferës korruptive, që çoi në tragjedinë e Gërdecit është bërë libër dhe historia e djemëve që mashtruan Pentagonin falë lidhejve me botën e krimit dhe zyrtarëve të korruptuar tashmë po bëhet edhe film në Hollivud,
Në një intervistë, autori i librit Guy Lawson, shpjegon si arritën dy amerikanë të mashtrojnë Pentagonin dhe lidhjet e tyre me zyrtarët e korruptuar shqiptarë, ku personi kyç ishte djali i ish-kryeministrit Berisha, Shkëlzeni. Autori i librit që po bëhet film thotë se me siguri armët e Gërdecit tani po përdoren nga ISIS në Siri e Irak. Autori flet më shumë për dy amerikanët David Packouz dhe Efraim Diveroli, por pohon se ata ia dolën falë lidhjeve me politikanët e korruptuar në Shqipëri. Për amerikanët historia është e thjeshtë, dy djem të rinj “ia hodhën” Pentagonit, ndërsa për shqiptarët kjo “lojë” pati një fund tragjik, me 26 viktima dhe një fshat të tërë të shkatërruar.
Ju e botuat fillimisht këtë histori në faqet e New York Times.
The Times botoi një artikull në faqen e parë, me portretet e këtyre dy djemëve sesi ata mashtruan Pentagonin, sesi Pentagoni nuk i kishte shkruar rregullat siç duhet, sepse, unë nuk e di, ata ishin neglizhent? (mendova) “Po në qoftë se kjo ishte politika e Pentagonit? Çfarë ndodh nëse Pentagoni e dinte saktësisht se çfarë ishte duke bërë? Çfarë ndodh nëse këta “fëmijë” ishin vetëm djem që dështuan?”
Municioni, që ishte në qendër të kësaj historie është pothuajse me siguri duke u përdorur në Siri tani, qoftë nga ISIS ose forcat Shia që mbështet Irani”.
Nëse ju shikoni në sistemin e prokurimit të armëve, ata dy djem ishin duke bërë pikërisht atë që qeveria dëshironte. Qeveria kishte nevojë që dikush të shkonte dhe për të blente me çmim sa më të ulët të ishte e mundur sa më shumë municion dhe ta çonte atë në zonat e luftës.
Ata duhet të binin në ujdi me tregtarin e armëve zvicerane, zyrtarët e dobët dhe të korruptuar të qeverisë shqiptare, ata duhet të jepnin ryshfet dhe të paguanin zyrtarët dhe figurat e krimit të organizuar-të gjitha këto gjëra ishin të pashmangshme. Është si ajo skena në Kazablanka: “Unë jam i tronditur sesa shumë kumar ka në këtë kazino!” Kjo është natyra e biznesit.
Çili është rreziku i kësaj politike?
Këtu ka diçka për ju: Asnjë nga këto nuk ka ndryshuar! Rreziqet janë të dukshme me titujt çdo ditë në Siri, Irak. Municioni shqiptaro-kinez, në qendër të kësaj historie, është pothuajse me siguri duke u përdorur tani në Siri, qoftë nga ISIS ose forcat Shia të mbështetura nga Irani. Ju e dini, gjysma e armëve që shkuan në Irak humbën. Të humbura! Kjo politikë nuk funksionon. Këto armë janë duke bërë dëm strategjik. John McCain u citua vetëm një ditë më parë duke thënë se “ne kemi nevojë për të patur më shumë armë në Siri”.
Nga këndvështrimi juaj, a e dinin këta djem se po bënin diçka të gabuar?
Po. Të paktën dy prej tyre e dinin se ata ishin duke thyer ligjin. ( Marrë me shkurtime, pjesët për Shqipërinë nga intervista e Guy Lawson në motherjones.com)/J.H
