Të marrësh rregullisht aspirinë për një periudhë të gjatë redukton ndjeshëm rreziqet nga kanceri kolorektal (i zorrës), sipas analizave të kryera nga dy studime të gjera të publikuara sot që konfirmojnë vetitë antikancerogjene të këtij anti-inflamatori të njohur nga të gjithë.
Këto punime të publikuara në “Gazetën e Shoqatës Amerikane Mjekësore, Okologji”, sugjerojnë gjithashtu se përdorimi i aspirinës mund të jetë një element me aftësi parandaluese të koloskopisë dhe të teknikave të tjera të ekzaminimit, pa qenë e nevojshme që t’i nënshtroheni.
“Tashmë ne mund t’i rekomandojmë një numri të madh personash të marrin parasysh përdorimin e aspirinës për të reduktuar rreziqet e kancerit kolorektal”, thekson Dr. Andrew Chan, shef i njësisë së epidemologjisë klinike në spitalin e përgjithshëm të Masaçusets, një nga autorët kryesorë të këtij studimi.
Megjithatë, theksoi ai, “në këtë stad, ne nuk jemi në gjendje që të bëjmë një rekomandim të përgjithshëm për përdorimin e aspirinës për parandalimin e të gjitha formave të kancerit”.
