Departamenti për Sigurinë Bërthamore në Ministrinë e Energjisë së Amerikës (NNSA) ka komunikuar se ka përfunduar fazën e parë të testimit të një prej bombave të para bërthamore të tipit B61–12, për të cilën thuhet se është bomba më e rrezikshme e krijuar ndonjëherë.
Qeveria e Uashingtonit ka deklaruar se bomba bërthamore e quajtur “e mençur” do të hyjë në fazën e prodhimit, ndërsa riprodhimi me kapacitet të plotë do të fillojë në vitin 2020-t, raporton “Daily Express”.
Kjo bombë aktualisht përmban arsenalin më të vjetër që ekziston në Amerikë. Gjenerali i ushtrisë, Frank Klotz tha se inxhinierët dhe shkencëtarët e NNSA-së po punojnë që ta çojnë sa më larg projektin në fjalë.
Sipas tij, projekti për vënien në punë të B61-12 ka kushtuar 11 miliardë dollarë, transmeton Shekulli. Vlerësohet se ky është projekti ushtarak që ka kushtuar më shtrenjtë në historinë e SHBA-së. (b.an)
