Një aksident ka ndodhur në Elbasan mbrëmjen e sotme, teksa një autoambulancë e spitali është përplasur me një automjet tip ”Volkswagen”.
Nga përplasja ka mbetur i plagosur shoferi i mjetit tip ”Volkswagen” bashkë me bashkëshorten e tij pasagjere, por që ndodhen në spitalin e Elbasanit jashtë rrezikut për jetën.
Informacioni i Policisë
Në aksin rrugor Elbasan-Metalurgji, një autoambulancë e spitalit Elbasan, me drejtues shtetasin A. M., banues në Elbasan, është përplasur me mjetin tip “Volkswagen”, me drejtues shtetasin A.M., banues në Elbasan.
Si pasojë e aksidentit janë lënduar drejtuesi i mjetit “Volkswagen”, si dhe bashkëshortja e tij shtetasja N. M., të cilët janē transportuar në Spitalin e Elbasanit dhe ndodhen nën kujdesjen e mjekëve, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit. /e.s/
