Ambasadori shqiptar në Greqi, Dashnor Dervishi duket se do të lërë punën e tij si ambasador. Në vend të tij është propozuar Ardiana Hobdari, e cila momentalisht mban detyrën e ambasadores shqiptarë në Këshillin e Europës.
Gjithashtu, është propozuar edhe Selim Belortaja si ambasador i Shqipërisë në Kinë, ndërkohë që momentalisht është Andi Xhoi që mban detyrën e të ngarkuarit me punë, raporton panorama.
EMERIMET
–Selim Belortaja, i propozuar të emërohet Ambasador i Jashtëzakonshëm dhe Fuqiplote i Republikës së Shqipërisë në Republikën Popullore të Kinës, rezident, si dhe jorezident në Republikën Popullore te Bangladeshit, ne Republikën Popullore Demokratike te Koresë, ne Republikën e Koresë, ne Republikën Socialiste te Vietnamit dhe ne Mongoli;
–Ardiana Hobdari, e propozuar të emërohet Ambasadore e Jashtëzakonshme dhe Fuqiplote e Republikës së Shqipërisë në Republikën e Greqisë, rezidente, si dhe Ambasadore e Jashtëzakonshme dhe Fuqiplote e Republikës se Shqipërisë ne Republikën e Qipros, Republikën e Tunizisë dhe ne Republikën e Armenisë, jorezidente./a.k