Ambasadori rus në OKB, Vasily Nebenzja, ka thënë se Moska nuk pajtohet me shfaqjet optimiste të paraqitura nga ambasadorja e Kosovës në Washington, Vlora Çitaku.
Ai tha se dialogu mes Beogradit dhe Prishtinës “po mbet” dhe se sipas tij, ngjarjet në Kosovë kërcënojnë të rrezikojnë gjithë rajonin.
“Projekti i Republikës së Kosovës në mënyrë të qartë ka dështuar. Nuk është e qartë as kur Gjykata Speciale për krimet e UÇK-së do të fillojë të funksionojë.
Këto janë çështje shumë serioze dhe një numër i madh i aktorëve po tenton t’i shtyjë nën tepih”, tha ambasadori rus, raporton KP.
Sipas tij, formimi i ushtrisë së Kosovës është në kundërshtim të drejtpërdrejtë me Rezolutën 1244, sipas së cilës forca ndërkombëtare është forca e vetme e armatosur në Kosovë.
Diplomati rus akuzoi Prishtinën për “sabotimin” e zbatimit të marrëveshjes për formimin e asociacionit të komunave me shumicë serbe. (b.an)
