Ambasadori i Zvicrës në vendin tonë, Andre Maitre, ka komentuar nga Shkodra parullën te shtëpia e Ambasadorit të OSBE “Borchardt turp të kesh”.
Ambasadori zviceran tha se është e rrezikshme të mos respektohet statusi diplomatik.
“Sërish mesazhi im është i fortë: ne duhet ta kuptojmë dhe të dëgjojmë dhe të biem dakord për zgjedhje të përbashkëta. Është e rrezikshme të mos respektohet statusi diplomatik.”
Maitre ishte në Shkodër pas inagurimit të lulishtes “Vaso Kadia” me kryebashkiaken Ademi, ku foli për krizën politike në Shqipëri.
“Palët duhet që të gjejnë një dialog mes tyre dhe kjo do ishte gjeja e duhur. Duhet të jesh i gatshëm për dialog. Jam tërësisht me kolegët e mi që dhuna ngado që vjen është e papranueshme. “-është shprehur ai./ i.h
