Shumë qytetarë morën pjesë në manifestimin që u zhvillua të shtunë kryeqytet për 2 vjetorin e fillimit të luftës në Ukrainë. Përveç se qytetarëve pjesë e manifestimit janë ambasadori i Ukrainës në Tiranë, Volodymyr Shhkurov dhe kryebashkiaku Erion Veliaj.
Shhkurov gjatë fjalës së tij falënderoi Shqipërinë dhe popullin shqiptar për soliodaritetin dhe mbështetjen e dhëndë ndaj popullit ukrainas. Po ashtu ai falënderoi dhe Bashkinë Tiranë për rindërtimin e një shkolle në Ukrainë.
“Ju falënderoj të gjithëve për solidaritetin dhe mbështetjen tuaj, si dhe për dënimin e agresionit rus. Asnjëherë nuk do e harrojmë mëngjesin e 24 shkurtit 2022. Këto dy vite kanë treguar se kush jemi dhe kush anë miqtë tanë. Ukrainasit vazhdojnë të luftojnë. Më dhemb ta them por Rusia vazhdon të mbledhë trupa dhe një numër të madh ushtarësh.
Rusia ka rritur numrin e sulmeve masive me raketa dhe dronë. Këto sulme kanë rezultuar në dëmtime të popullatës civile dhe shkatërrimin e spitaleve, çerdheve dhe të ndërtesave civile. Më shumë se 200 shkolla janë shkatërruar. Falënderoj bashkinë e Tiranës për ndihmën që ka dhënë në rindërtimin e një shkolle në Ukrainë. Ne po mbrojmë popullin ukrainas dhe falë partnerëve tanë. U bëjmë tirrje të gjithë vendeve të dënojnë agresionin rus dhe të furnizojnë me mjete ushtarake. Të gjitha përgatitjet janë bërë për Samitin e Paqes në Zvicër. Uroj që edhe ukrainasit që jetojnë në Shqipëri, jam mirënjohës për qeverinë shqiptare që ka zgjatur rezidencën tyre për këta qytetarë. Falënderoj kryeministrin, presidnetin shqiptar dhe popullin shqiptar që ka dhënë ndihmë për ne.”, u shpreh ambasadori i Ukrainës në Tiranë.
Duke bërë një bilanc të pasojave të luftës ambasadori Shkurov tha se Rusia ka kryer 125 mijë krime lufte në Ukrainë.
Deri tani 26 % e ukrainës është e pushtuar. 50 % e territorit të pushtuar pas 24 shkurtit 2022 u çlirua nga forcat mbrojtëse të Ukrainës. Tani Rusia ka rritur numrin e sulmeve massive mbi territorin ukrainas me përdorimin e dronëve dhe raketave të ndryshme. Këto sulme kanë sjellë në dëmtime të popullatës civile e shkatërrimin e ndërtesave tregtare e kopshteve të fëmijëve e spitaleve. 149 mijë ndërtesa janë shkatërruar, e 700 institucione mjekësore, 500 qendra kulturore e fetare, e 5600 rrjete të ujit, mbi 200 shkolla janë shkatërruar dhe 1200 janë dëmtuar. 125 mijë krime lufte: 1200 fëmijë dhe 9 mijë civilë të vrarë.
/f.s
