“Reforma në Drejtësi është e pakthyeshme”! Është ky mesazhi i ambasadorit të Bashkimit Evropian në Tiranë, Silvio Gonzato, i cili nënvizon rëndësinë e pavarësisë dhe integritetit të magjistratëve.
Ambasadori Gonzato u shpreh se Bashkimi Evropian e ka mbështetur që në fillim procesin e Vetingut dhe do të vazhdojë ta bëjë këtë deri në përfundimin e tij.
“Besimi është një bindje që duhet të ushqehet vazhdimisht. Ai nuk mund të konsiderohet i dhënë. Kjo do të thotë se, ndërkohë që reforma në drejtësi është e pakthyeshme, zbatimi i saj kërkon vëmendjen dhe mbështetjen tonë të qëndrueshme. Sigurimi i pavarësisë dhe integritetit të gjyqtarëve është një detyrë dhe një përpjekje e përhershme”, tha ai.
Për kryediplomatin e Bashkimit Evropian në Shqipëri “përgjegjësia dhe pavarësia janë në qendër të çdo shoqërie demokratike të qeverisur nga shteti i së drejtës”. Ambasadori Gonzato i bëri këto mesazhe në një tryezë të organizuar nga Ambasada e Holandës në Tiranë dhe Komiteti Shqiptar i Helsinkit, prej ku theksoi se do të vijojë mbështetja e BE-së për drejtësinë në Shqipëri.
Si zakonisht, i njejti zhargon: “Reforma ne drejtesi e pakethyeshme, kerkohet pavaresi e integritet…”. Por vetem per standarde nuk flasin keta, nderkohe qe i kane shnderruar SPAK e GJKKO ne monstra qe pergjojne por edhe arrestojne pa prova te qarta e gjyq. Rasti i Veliajt duhet te studjohet ne Fakultetin Juridik, per te mesuar se si mund te degradoje drejtesia per interesa e lojra politike.