Ambasadori i Britanisë së Madhe, Peter Cannon, në një aktivitet në Shkodër, ka folur për çështjen e azilkërkuesve, që nuk ka lënë pa prekur as qytetarët shqiptarë me largime masive nga vendi muajt e fundit drejt Europës.
Sipas Cannon, të gjithë azilkërkuesit e rremë do të kthehen në vendin e tyre. “Do të ketë masa ndaj azilkërkuesve të rremë dhe atyre që i mashtrojnë këta persona. Masa do të merren edhe ndaj atyre që mashtrojnë për gjakmarrje për të përfituar azil”, tha Cannon.
