Presidenti Ilir Meta zhvilloi një takim me ambasadorin e Britanisë së Madhe në Tiranë, Duncan Norman, në selinë e Presidencës. Takimi ka nisur rreth orës 11:15 dhe u diskutua për zhvillimet politike në vend, si pasojë e aksionit opozitar jo vetëm për largimin e qeverisë përmes protestave, por edhe deklaratave për të bllokuar procesin zgjedhor të 30 qershorit, ku opozita joparlamentare ka shpallur bojkot.
Kreu demokrat Lulzim Basha udhëtoi drejt Britanisë së Madhe, ku zhvilloi takime me politikanë vendas. Edhe nga zyrtarët atje, Basha mori thirrje për t’u ulur në dialog me mazhorancën, një ftesë që kryeministri Edi Rama e ka ende të hapur për kryedemokratin Basha.
Edhe Presidenti Ilir Meta, nga ana e tij ka apeluar që palët të ulen në dialog konstruktiv për të shmangur që vendi të shkojë në konfrontime që mund të kthenin vitin e mbrapshtë ’97, ndërkohë që të gjithë kanë vënë theksin edhe tek pasojat që po i jep ekonomisë së vendit kjo krizë politike.
