Pak orë pas dështimit të negociatave mes PD dhe mazhorancës, ambasadori amerikan Donald Lu është parë në ambientet e kryeministrisë.
Ndërkohë, po ditën e sotme ambasadorët e vendeve kryesore të Bashkimit Evropian janë mbledhur jashtë radhe.
E mërkura ka qenë intensive edhe për krerët e mazhorancës të cilët më herët janë takuar mes tyre. Raportohet se edhe kreu i KQZ, Denar Biba, ka pasur një takim në Kryeministri.
***
Ambasadorët e vendeve anëtare të BE kanë mbajtur një mbledhje jashtë rradhe një ditë pas dështimit të negociatave të ndërmjetësuara nga Fleckenstein dhe McAllister për tejkalimin e ngërçit politik.
Mbledhja mbahet në zyrat e Bashkimit Evropian në Tiranë.
Në fokus është situata politike në Shqipëri dhe hapat e mëtejshëm që do të ndiqen.
Ky është një takim që zhvillohet jashtë radhe, pasi ambasadorët e vendeve të BE kanë në axhendë një takim të ngjashëm të mërkurën e parë të çdo muaji.
Bëhet me dije se Ambasadorët e vendeve të BE mund të dalin me një qëndrim për situatën në Shqipëri pas dështimit të negociatave, pasi kreu i PD Basha refuzoi draftin e Zëvendëspresidentit të Partisë Popullore Evropiane (PPE) David McAllister dhe raportuesit për Shqipërinë në Parlamentin Europian, Knut Fleckenstein, për zgjidhjen e krizës.
/a.m.
