Ambasada angleze në Athinë ka bllokuar tifozët e klubit korçar të cilët po organizoheshin për transfertën ndaj Krusaders dhe nuk u ka dhënë viza për të udhëtuar drejt Belfastit të Irlandës së Veriut, ku do të luajnë ndeshjen e kthimit për turin e dytë të Champions League.
Lajmi fillimisht është publikuar sikur problemi i vizave qëndronte me futbollistët po kjo ka qenë një keqkuptim, pasi në të vërtetë ekipi i Skënderbeut është pajisur me viza dhe tashmë është gati për të udhëtuar drejt Irlandës. Problemi qëndron me tifozër të cilët mesa duket nuk do të mund ta ndjekin dot ekipin në këtë transfertë në rast se ky problem nuk zgjidhet sa më shpejt.
/Panorama Sport
