Replikat në Kuvend tashmë janë kthyer të zakonshme, ku personazh kryesor dhe i pamunguar është ish-kryeministri Sali Berisha. Si çdo të enjte, Berisha vjen në foltoren e Kuvendit dhe nis lumin e akuzave ndaj mazhorancës dhe krerëve të saj Rama dhe Meta.
E njëjta skenë u pa edhe ditën e sotme. Por në mungesë të kryeministrit Rama, prezent në Kuvend ishte si çdo javë kryeparlamentari Meta. Ky i fundit, është treguar gjithnjë “bujar” me Berishën duke e lejuar të flasë përtej minutazhit të përcaktuar, ndryshe nga deputetët e tjerë.
Por akuzat e pafundme që Berisha bën, duket se e argëtojnë Metën. Dhe nuk ka faj, pasi shpesh herë akuzat janë sa të pabesueshme aq edhe qesharake.
Dhe si çdo të enjte, humorin më të mirë për shqiptarët, e servir vetëm Kuvendi me Berishën gjithnjë protagonist.
