Ilir Meta ka publikuar një video në rrjetet sociale nga një intervistë e tij e pak ditëve më parë, ku shprehej se kurrë nuk do tí tradhtonte përkrahësit e tij dhe shqiptarët.
Meta shton se më mirë të jesh i tradhtuar sesa tradhtar, pasi këtë të fundit e përdor kushdo, por asnjë nuk e do.
“Koherenca ime ka qenë absolute për demokracinë, pluralizmin, për integrimin europian dhe për mbrojtjen e Kushtetutës, që nuk mund të ndryshohet asnjëherë pa referendum.
Unë gjithmonë i kam shërbyer këtyre kolonave shumë të rëndësishme, që kanë të bëjnë më interesin e të gjithë qytetarëve shqiptarë.
Koherenca ime ka qenë absolute dhe jam shumë krenar për këtë”, shkruan Meta krahas videos.
