Allegri: Dy transfertat e radhës vendimtare për Juven

Është ky mendimi i trajnerit të bardhezinjëve Massimiliano Allegri. Këtë të Dielë, kampionët e Italisë do të sfidojnë në stadiumin Marassi, Sampdorian e Vincenzo Montellës, një skuadër që po vjen në rritje. Është i vetëdijshëm për dicka të tillë Max Allegri, me teknikun livornez që u ka kërkuar përqëndrim maksimal futbollistëve të tij.

”Do të jetë një ndeshje e vështirë për ne përballë një skuadre që zotëron një teknikë të madhe. Ky është momenti më i rëndësishëm i sezonit. Kemi në prag dy transferta që mund të vendosin shumë. Sampdoria vjen në këtë ndeshje pas një paraqitjeje shumë të mirë në derbi. Ata kanë në skuadër lojtarë si Eder, Muriel, Cassano e Soriano dhe mund të ti vështirësojnë gjërat në cdo cast”.

Ndaj Sampodrias, Juventusi nuk do të ketë në dispozicion Claudio Marchision i cili është i skualifikuar, Allegri nuk ka vendosur ende se cili do të jetë zëvendësuesi i mesfushorit italian, megjithatë ai është i bindur se kushdo që do të luaë në vendin e tij do të japë maksimumin në fushë. Një mendim i trajnerit të Juventuesit më pas shkoi edhe për merkaton e Janarit.

”Do të ndërhyjmë në merkato vetëm nëse na jepet mundësia të afrojmë në skuadër një futbollist të madh. Këta lloj lojtarësh është e vështirë ti gjesh në Janar, por drejtuesit po bëjnë përpjekjet e tyre”.