Partia Demokratike ka caktuar grupet e punës që do të merren me anëtarësinë dhe zgjedhjet për kryetar të kësaj force politike. Ajo që vihet re është se ndonëse Gazment Bardhi nuk është aspak dakord për mbajtjen e zgjedhjeve duke e konsideruar si një hap të nxituar ai është deleguar nga Kryesia në Elbasan së bashku me deputetët Flutura Açka, Dashnor Sula dhe Lefter Gështenja.
Ndërkohë, Tirana ka një grup të madh pune, përfshirë ish kryertarin e komanduar Enkelejd Alibeaj dhe ish kandidatin për kryetar Bashkie në kryeqytet, Roland Bejko.
Në mbledhjen e kaluar, Kryesia e PD vendosi të thërrasë mbledhjen e Këshillit Kombëtar në 20 qershor, për të miratuar emrat e propozuar për Komisionin Zgjedhor të PD.
Në të njëjtën ditë me mbledhjen e Këshillit, pra 20 qershor, Kryesia vendosi që të jetë afati përfundimtar për kandidaturat që duan të marrin pjesë në garën për kreun e PD. Më 29 korrik pritet të mbahen zgjedhjet për kreun e demokratëve, teksa deri më tani nuk ka asnjë kandidaturë zyrtare, por përflitet shumë rikthimi i Lulzim Bashës.
/a.r
