Rezultatet numërimit të votave në Serbi, tregojnë se Aleksandar Vuçiç do të jetë President i vendit në 5 vitet e ardhshme.
Vuçiç duket se ka arritur të marrë fitoren me rreth 54 % të votave të serbëve, ose rreth 2 milionë votues, kur kanë mbetur akoma edhe 20% e votave për t’u numëruar.
Këto rezultate janë konfirmuar nga vetë Vuçiç, në një konferencë për shtyp, ndërsa rivali i tij, ish-Avokati i Popullit, që kandidon si i pavarur, mori 15 % të votave dhe i treti renditet kandidati satirik, që garës iu fut për shaka, Luka Maksimovic Belli.
Ky rezultat nuk është aspak surprizë, sepse sipas thuajse të gjithë sondazheve të realizuar para zgjedhjeve, Vuçiç konfirmohej si fitues i zgjedhjeve presidenciale.
Vuçiç është kryeministër i Serbisë, që prej prillit të 2014-ës dhe më 31 maj do të marrë zyrën e Presidentit të vendit.
a.ç
