Ish-deputeti socialist Eduart Ndocaj do të kandidojë në zgjedhjet lokale të 30 qershorit. Ai është kandidat për Bashkinë e Lezhës nga partia Aleanca Demokristiane, e cila do të futet në zgjedhje pa bërë aleancë me asnjë nga partitë e mëdha.

Ndocaj ka postuar një foto ku shfaqet kërkesa e PAD për regjistrimin e tij për Bashkinë e Lezhës ku shkruan se partia e tij nuk do të bashkohet as me hajdutët aktualë të PD dhe as me mafian e PS.

“Beteja kundër të keqes që ka mbuluar Lezhën, sapo fillon! Lezhianët, s’do bashkohen, as me hajdudët aktualë të PD dhe as me mafian e PS! Bashkohuni me njerëzit e ndershëm e punëtorë! Votoni Eduart Ndocaj për kryetar Bashkie Lezhë!”, shkruan Ndoka.

Postimi Eduart Ndocaj

Ndocaj ka qenë deputet për pak kohë në radhët e Partisë Socialiste, pasi zëvendësoi Arben Ndokën pas dorëheqjes së tij nga përfaqësimi i elektoratit të Lezhës.

Ai është i njohur me nofkën kaubojsi dhe ka jetuar për shumë vite në Itali ku dhe ka zhvilluar karrierën si sipërmarrës.

Aleanca Demokristiane drejtohet nga Zef Bushati dhe në historinë e saj politike ka qenë aleate besnike Partisë Demokratike. Në vitin 2013 ajo tradhtoi PD për PS, duke bërë aleancë me Ramën.

Drejtuesi i saj Zef Bushati është një emër i mirënjohur për kinematografinë shqiptare dhe ka luajtur një sërë rolesh në ku ka interpretuar 7 personazhe. Ndër to përmenden rolet e Mic Sokolit në dramën “Besa e Madhe”, Kabash Çaushit në dramën “Duke u gdhirë viti 45”, Ferdinandi “Luiza Miler”, Luigj Gurakuqi “Udha e flamurit”, Parisi “Romeo e Zhulieta”, Stanishi “Kush e solli Doruntinën”,etj. që është edhe interpretimi i tij i fundit në Teatrin Kombëtar.