Një tjetër talent shqiptar po lind në kampionatin zviceran të futbollit. Bëhet fjalë për Abian Ajetin i cili do të luajë sot me Zvicrën, në kuadër të eliminatoreve për Kupën e Evropës për moshat deri në 21 vjet, kundër Anglisë U21.
E përditshmja zvicerane Blick, shkruan se trajneri i Kombëtares shqiptare, Gianni De Biasi, dëshiron t’ia rrëmbej talentin Zvicrës.
“Gianni de Biasi nuk ka lënë pa kërkuar metoda për të bërë për vete talentin Albian Ajeti, qoftë edhe me sms,” shkruan në hyrje tabloidi Blick.ch.
“Kam marrë një sms nga ai dhe më pyeste si më shkojnë punët dhe nëse do pranoja të luaja për Shqipërinë,” ka thënë Albiani për gazetën zvicerane duke shtuar se “Gjithçka është e hapur,” vijoi rrëfimin Ajeti.
Në shtatë ndeshjet e fundit për Zvicrën, Albiani ka shënuar katër gola dhe ka dhuruar tre asista, duke u bërë ndër lojtarët më premtues për Zvicrën.
