Një komisioner europian ka tërhequr vërejtjen se është e mundshme një ‘luftë civile’ në Spanjë pas trazirave në Kataloni.
Gunther Oettinger, komisioner për buxhet dhe burime njerëzore, tha se ai ishte ‘shumë, shumë i shqetësuar’ për jostabilitetin në Spanjë pas shpërthimit të dhunës të dielën e referendumit për pavarësi.
Eurokrati gjerman thotë se lufta civile tani mund të ‘imagjinohet’ në Europë për herë të parë në dekada.Madridi e dërgoi ushtrinë në Kataloni pas brutalitetit policor kundrejt civilve të pafajshëm që po protestonin.
“Tani mund të mendohet një luftë civile në zemër të Europës. Vetëm mund të shpresohet që së shpejti të zhvillohen bisedime në mes të Madridit dhe Barcelonës”, tha ai.
I pyetur nëse BE do të duhej të ndërhynte në këtë rast ai tha se një gjë e tillë do të ndodhte ‘vetëm nëse do tu kërkohej’ duke ripërsëritur liderët europianë se kjo është çështje e brendshme e Spanjës, përgatiti Express. (b.an)
