Shfaqja e problemeve kardiake edhe tek moshat më të reja shikohet si një kambanë alarmi për kardiologen e spitalit të Gjirokastrës. Sipas saj, në këto ditë të nxehta është shtuar numri i vizitave kardiologjike jo vetëm nga të sëmurët kronikë, por edhe nga persona që shfaqin probleme për herë të parë.
I nxehti i kësaj vere përveç të tjerave ka shkaktuar problematika të ndryshme edhe në shëndetin e popullatës. Në urgjencën e spitalit rajonal të Gjirokastrës çdo ditë paraqiten dhjetëra pacientë që kërkojnë ndihmë mjekësore, ku një pjesë e konsiderueshme e tyre ankohen për probleme kardiake.
Ajo që shikohet me shqetësim nga specialistët e fushës është fakti që probleme kardiake po hasin edhe tek moshat e reja.
Nisur nga situata kardiologia apelon për shumë kujdes shëndetësor nga pacientët.
Përveç konsultave, shmangia e të nxehtit në këto dite hidratimi i mjaftueshëm dhe natyrisht ushqyerja në mënyrë të shëndetshme rekomandohen si masa të rëndësishme për të shmangur komplikacionet e mundshme.
Ju lutem, redaksia Java, a mund të më thoni, kush është kjo kardiologe ?
U mundova ta gjej, por nuk ekziston në asnjë rresht emri i sajë.
Vetëm figura.
Me figurë, vetëm Gjirokastritët e njohin.