Gjykata e Apelit në Durrës ka lënë në burg Altin Ndocin, një prej autorëve të 4 vrasjeve të fundit në Durrës.
Altin Ndoci u arrestua në datën 1 maj së bashku me Klevis Allën 22 vjeç, banues në Durrës.
33-vjeçari Ndoci, së bashku Allën akuzohen për vrasjen e vëllezërve Viktor dhe Besimir Haxhia në 27 mars dhe Anxhelo Avdiaj dhe Dorian Shkoza në 2 mars.
Prishja e pazareve- “Po nga hetimet e kryera dhe këqyrja e vendit të ngjarjes rezulton se mekanizmi i kryerjes së krimit në të dyja ngjarjet është i ngjashëm dhe shkaku dyshohet të jetë prishja e pazareve për aktivitetin kriminal”.
Persona të tjerë të implikuar –Vijon puna për identifikimin dhe kapjen e personave të tjerë të implikuar në këto ngjarje, por për arsye hetimi nuk bëjmë me dije detaje të tjera. Zbardhja e këtyre ngjarjeve erdhi si rezultat i një bashkëpunimi, koordinimi dhe profesionalizmi mes disa strukturave, nën drejtimin e Prokurorisë së Rrethit Gjyqësor Durrës.
/e.rr
