Gjyqtarja e Tiranës rezulton të ketë ushtruar dhunë fizike ndaj bashkëshortit të saj Klejd Këlliçi.
Ngjarja është regjistruar mesnatën e 28 gushtit ku forcat e policisë janë angazhuar për parandalimin e përshkallëzimit të një krimi në familje.
Kjo pasi në komisariat në orët e mesnatës është paraqitur Klejd Këlliçi i cili ka deklaruar se gruaja e tij e ka dhunuar, ndaj kërkoi të bënte një kallëzim kundër saj dhe të pajisej me urdhër mbrojtje.
E kontaktuar nga emisioni “Jetë Shqiptare” gjyqtarja ka thënë se gjithçka është një sajesë.
“Sot, ditën për diell po kontaktohem nga përfaqësues mediash për t’u prononcuar për një sajese sa interesante, aq edhe qesharake. Do dëshiroja shumë që çdo pagese për klikim të shkonte në drejtim të reformimit të sistemit të drejtësisë. Unë jam thjesht një emër, por emra të tjerë tremben, e mbase me të drejtë duhet të tremben pas. Mbase është koha të botojmë! P.s. në momentin e këtij reagimi gjyqtarja po krihej!”, deklaroi ajo.
