Akuzat për CEZ, LSI: Basha po sulmon Berishën nëpërmjet Metës
Kreu i Grupit Parlamentar të LSIsë, Petrit Vasili, deklaroi sot edhe njëherë se Ilir Meta nuk ka lidhje me çështjen e CEZ. Vasili deklaroi se kreu i PD-së, Lulzim Basha, nëpërmjet Metës, po synon të godasë ish-kryeministrin Berisha.
Ndërkohë, duke mos u ndalur me kaq, Vasili ka folur edhe për një “grup të Çezarit” brenda PDsë që sipas tij tani është bërë i dukshëm.
“PD gjithmonë e më shumë qesharake. I referohem gazetës së PDsë, në faqen e parë ka cituar zotin Heicek që përmend zotin Meta. Por në fakt kjo nuk gjendet në raport.
Në brendësi të shkrimit RD thotë se biznesmeni ishte një njeri shumë i besuar i kryeministrit Berisha. Basha i bie pragut Meta për të dëgjuar Sali Berisha. Meta nuk ka lidhje me çështjen e CEZ. Akuzat qesharake. Këto akuza shkojnë në mënyrë të drejtpërdrejt për Berishën”, theksoi Vasili.
