Lidhur me pretendimet e artikullit të portalit syri.net dhe ish-kryeministrit Sali Berisha, sqarojmë se helikopteri EC 145 me numër anësor 637, në orën në të cilën portali pretendon se është ulur në doganën e Hanit të Hotit, ka qenë në një fluturim të planifikuar në jug të Shqipërisë, fluturim të nisur në orën 09:10 të mëngjesit të ditës së djeshme me itinerarin, Farkë-Belsh- Gllavë- Tepelenë- Skerficë -Butrint- Ksamil- Sarandë- Llogara- Akerni- Lushnje, e në fund është ulur pa problem në bazën e Farkës.
Ndërkaq, siç është thënë më herët, helikopteri është nisur nga Farka në orën 12:10 dhe po kryente fluturim rutinë stërvitor rikonjicioni, sipas planit të fluturimit të bazës ajrore Farkë, në intenerarin Farkë-Tujan-Qafë Murr-Qafë buall-Shupenzë-Peshkopi-Kukës-Qafë Luzhë-Qafë Valbonë-Vermosh-Rapstarje-Koplik-Shkodër-Farkë.
Helikopteri i shfaqur në videon e portalit syri.net është civil, me përmasa më të mëdha dhe pa shenja dalluese të Forcës së Armatosur. Në këtë video gjithashtu dallohet qartësisht se helikopteri është i pajisur me rrota. Ndërkohë që asnjë helikopter i FA-ve nuk është i pajisur me rrota, por janë të pajisur me sistemin me slitë.
Sa më sipër aludimet e portalit syri.net janë të pavërteta dhe për më tepër dashakeqe. Ftojmë median të distancohet nga abuzimet që nuk ndalen as përpara humbjes së jetës së dy pilotëve të Forcave të Armatosura në krye të detyrës.
Reagimi i ministres Mimi Kodheli:
Ndërkohë në lidhje me akuzat ka reaguar edhe ministrja e Mbrojtjes Mimi Kodheli. Nëpërmjet një mesazhi në Facebook ajo shkruan se opozita po hedh balt mbi viktimat.
Eshte e frikshme qe pa u varrosur ende dy djemte qe humben tragjikisht jeten ne aksidentin e djeshem, politika e hienave u versul te shqyeje te vdekurit per te ushqyer partine e baltes!
Pa u thare ende boja e letres se ngushellimit qe kapot e partise se baltes u derguan familjareve te dy sherbetoreve besnike te shtetit, kapot dhe vrasesit e tyre me pagese te se vertetes, u versulen te hedhin balte mbi viktimat.
Ka nje shprehje populli per rastin kur te vine perballe krijesa te tilla te erresires: Te kam lene Zotin se me ty s’merret dot robi! Ndersa per keto hiena politike une mund te them vetem se i’a kemi lene popullit sovran te shohe te degjoje e te gjykoje per ta!
Dhe jam e bindur qe edhe me keq do t’i gjykoje se c’i gjykoi ne 2013 e ne 2015!
Qershori i ardhshem do te shpagoje me voten e popullit gjithe balten e tyre te neveritshme!
Mesazhi ngushëllimit nga ana e Ambasadës së SHBA në Tiranë
Ambasada e SHBA shpreh ngushëllimet dhe keqardhjen e saj për familjet dhe të dashurit e atyre që humbën jetën dhe u lënduan dje në Shkodër. Incidenti që ndodhi është një kujtesë e sakrificave të jashtëzakonshme të bëra nga burrat dhe gratë e forcave të armatosura dhe familjet e tyre.
