“Të gjitha rrugët kryesore dhe dytësore janë pastruar”. Kjo fjali për disa javë është përsëritur vazhdimisht nga zyrtarët komunalë në Prishtinë. Por, rruga “Ekrem Rexha” nuk është pastruar përtej selisë qendrore të partisë që qeveris me kryeqytetin, raporton emisioni 038 i KTV-së.
Banorët e kësaj rruge, ndonëse hezitojnë të flasin para kamerës, ndihen të diskriminuar nga “standardet e dyfishta” të komunës.
Në Komunën e Prishtinës i janë shmangur pyetjes direkte për këtë rrugë, duke përsëritur se të gjitha rrugët në qytet dhe në fshatra janë të kalueshme.
Ndryshe, në kohën kur LDK-ja qeveriste me kryeqytetin, Lëvizja Vetëvendosje organizonte aksione të ndryshme për gjendjen e keqe në rrugë e trotuare.
Në njërin prej aksioneve të asaj kohe, aktivistë të kësaj lëvizjeje patën dalë me ski në sheshin “Madeleine Albright”, te “NewBorni”. (b.an)
