Shërbimet e policisë Korçë kanë vënë pranga tre shtetas që akuzohen për ‘shpërdorim detyre’ dhe ‘kontrabandë’
Në kuadër të operacionit “Cross Border”, u bë arrestimi në flagrancë i
Xhemal Halili 57 vjeç, banues në Ersekë;
Fatmir Avdyli 54 vjeç, banues në fshatin Mollas, Kolonjë;
Klodian Palloj 41 vjeç, banues në Korçë (me detyrë doganier në Pikën Doganore Kapshticë).
Pas informacioneve të siguruara për transport të mallrave kontrabandë, policia ushtroi kontroll ë autobusin e linjës Greqi-Shqipëri në afërsi të fshatit Dishnicë, Korçë.
Gjatë kontrollit të ushtruar në autobusin e Xhemal Halilit me faturino Fatmir Avdyli u gjetën dhe u sekuestruan në cilësinë e provës materiale sasi të konsiderueshme karburanti (nafte), medikamente mjekësore, prodhime letre, pleh kimik, vaj ushqimor dhe vaj automjetesh, mallra për të cilat shtetasit e mësipërm nuk kishin kryer detyrimet doganore.
Gjithashtu, nga hetimet e kryera dyshohet se shtetasi Klodian Palloj me detyrë doganier, ka shpërdoruar detyrën, duke mos kryer procedurat për zhdoganimin e këtyre mallrave.
Materialet i kaluan Prokurorisë pranë Gjykatës së Shkallës së Parë Korçë, për veprat penale “Kontrabanda me mallra të ndaluara ose të kufizuara”, “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, “Kontrabanda me mallra të tjera” dhe “Shpërdorimi i detyrës”.
/a.r
