Pas skandalit me rrjetin e hoteleve Marriott, tani është radha e Hilton. Vitin e kaluar, Marriott i pagoi 600 mijë dollarë Komisionit Federal të Komunikimeve (FCC) për të mbyllur një çështje të hapur për bllokimin e llogarive personale wireless të klientëve në hotele, duke i detyruar ata të merrnin me çmim shumë të shtrenjtë internetin që ofronte hoteli.
Në gusht 2014, FCC mori një ankesë nga një klient që pretendonte se hotel Hilton në Anaheim, Kaliforni, bllokonte internetin e pajisjeve të klientëve, duke u ofruar internetin e hotelit me çmim 500 dollarë.
FCC ka bërë të ditur se ka marrë ankesa të ngjashme edhe për hotele të tjerë të rrjetit Hilton.
Akuzat ende nuk janë vërtetuar, megjithatë Komisioni ka bërë të ditur se do të gjobisë rrjetin me 25 mijë dollarë për pengim të hetimeve në lidhje me këtë çështje.