Aktorja franceze Juliette Binoche do të luajë fituesen e çmimit Nobel për letërsi Pearl Buck në filmin biografik “Perl”, raportoi ditët e fundit revista amerikane Variety.
Filmi, i cili do të financohet nga një kompani kineze e filmit “Tea Film Group”, do të drejtohet nga Roxanne Messina Kaptor dhe xhirimet janë planifikuar të fillojnë vitin e ardhshëm në provincat kineze të Zheçijang, Shangai dhe në Evropë në Pragë.
Pearl Buck fitoi çmimin Pulitzer në vitin 1931 për romanin e saj “Në tokën kineze” dhe në vitin 1938 meritoi Çmimin Nobel për Letërsi.
Shkrimtarja e kaloi një pjesë të jetës së saj në Kinë, së pari si një misionare, e më vonë si një shkrimtare. Ajo filloi të shkruajë për të financuar një shkollë të veçantë për vajzën e saj me të probleme mendore. Juliette Binoche, që do ta luajë rolin e saj, fitoi një Oskar për rolin e saj në filmin “Pacienti anglez.”
