Aktori i famshëm komik amerikan, Danny Devito ka deklaruar se gjyshja e tij ishte arbëreshe dhe fliste gegërisht.
Në programin artistik ”The Always Sunny Podcast”, ai ka theksuar se gjyshja e tij ishte nga Kalabria, që ndodhet pikërisht përballë Shqipërisë.
“Familja ime është nga Kalabria, një nga gjyshërit e mi është nga Kalabria, tamam te çizmja e Italisë dhe përballë është Shqipëria. Unë e njoha atë dhe ajo ishte pak a shumë 80 vjeçe dhe vdiq në një histori tragjike”, ka deklaruar ai.
”Gjyshja ime fliste një gjuhë që quhej geg, një dialekt i gjuhës shqipe dhe ishte shumë e bukur. (Fjala) shiu për shembull… sh… sh… tingëllonte si vetë shiu”, thotë DeVitto më tej.
Daniel Michael DeVito, Jr., i njohur më mirë si Danny DeVito, u lind në Neë Jersey më 17 nëntor 1944.
Ai është një aktor, regjisor dhe producent i famshëm amerikan me origjinë arbëreshe nga San Felipe (Potenza).
Babai i tij, Daniel Michael DeVito Sr. kishte një dyqan pastiçerie dhe nëna e tij, Julia Mocello ishte shtëpiake.
Danny DeVito e filloi karrierën e tij në vitet ’60-’70 së bashku me Andy Kaufman.
/s.f
