Real Madrid është eliminuar nga Kupa e Mbretit për sezonin 2015-2016. Komiteti i Kompeticionit në Federatën Spanjolle të Futbollit pranoi kërkesën e Cadiz për përjashtimin e Los Blancos për aktivizimin e parregullt të Denis Cheryshev, i cili në bazë të rregullores nuk duhej të ishte në fushë në këtë sfidë.
Gjykatësi Francisco Rubio i hodhi poshtë argumentat kryesore të paraqitura për mbrojtje nga Real Madrid për mosmarrjen e informacionit të nevojshëm nga Federata se Cheryshev kishte plotësuar numrin tre të kartonëve të verdhë kur luante i huazuar te Villareal.
Klubit madrilen nuk i mbetet gjë tjetër vecse ta cojë cështjen në Apel dhe më pas nëse vendimi nuk ndryshon, në Gjykatën Administrative të Sportit, megjithatë vështirë se do të ndërmerren hapa të tillë, pasi shkelja është e qartë, ashtu si dhe neni i rregullores që nuk lë hapësirë për interpretim.
