Policia e Korcës vuri në pranga një person, pasi ka aksidentuar një fëmijë në rrugë.
I arrestuari është Petrika Zhidro, 55 vjeç, banues në fshatin Dishnicë-Korçë.
Ngjarja ndodhi në Bulevardin “Fan Noli”.
Nga burimet policore, bëhet me dije se arrestimi i personit të lartëpërmendur u bë, pasi duke drejtuar mjetin tip “Benz” me targë KO790A TX, ka aksidentuar R.M, 6 vjeçe, banuese në Korçë, e cila po merr ndihmë në Spitalin e Korçës, ku edhe ndodhet jashtë rrezikut për jetën.
Njoftimi i policisë:
Specialistët e Sektorit për Policinë Rrugore, bënë kapjen dhe arestimin në flagrancë të shtetasit:
Petrika Zhidro, 55 vjeç, banues në fshatin Dishnicë-Korçë.
Arrestimi i tij u bë pasi, në lagjen nr 7, në Bulevard “Fan Noli” në Korçë, ky shtetas duke drejtuar mjetin tip “Benz” me targë KO790A TX, ka aksidentuar shtetasen R.M, 6 vjeçe, banuese në Korçë, e cila po merr ndihmë në Spitalin e Korçës, ku ndodhet jashtë rrezikut për jetën.
Materialet i kaluan Prokurorisë të Rrethit Gjyqësor Korçë për veprën penale “Shkelja e rregullave të qarkullimit rrugor” parashikuar nga neni 290 i Kodit Penal.
/b.d
