Një 48-vjeçar ka humbur jetën në një aksident rrugor në Itali. Viktima ishte duke udhëtuar me një motor kur u përplas nga një makinë tip Opel, që drejtohej nga një 55-vjeçar. Aksidenti ndodhi mbrëmjen e djeshme në Firenze, ndërsa sot është raportuar nga mediat italiane.
48-vjeçari shqiptar, emri i të cilit nuk është bërë me dije, u dërgua me urgjencë në spital për të marrë ndihmë mjekësore. Pavarësisht kujdesit mjekësor të ofruar, fatkeqësisht ai nuk mundi të mbijetonte.
Sipas hetimeve paraprake të policisë, makina tip “Opel” ishte duke lëvizur në drejtim të kundërt në momentin që u përplas me motorin. Policia italiane ndaloi drejtuesin e mjetit, ndërsa hetimet vazhdojnë ende për të zbardhur tërësisht skemën e aksidentit.
a.ç
