Aksidenti që ndodhi pasditen e sotme i mori jetën dy shokëve, ndërsa i treti arriti t’i shpëtonte tragjedisë. Balkanweb mëson se tre shokët udhëtonin nga Fieri drejt Tepelenës, aty ku edhe banonin.
Sipas të dhënave fillesatare të policisë, dyshohet se tre shokët kanë qenë të dehur ç’ka ka ndikuar që drejtuesi i mjetit ‘Ford’ me targa AA493NY, të humbasë kontrollin dhe të dalë nga rruga, 4 km larg Memaliajt.
Makina ka rënë disa metra nga rruga, duke i marrë jetën drejtuesit të mjetit, Luan Bilbili që mbante detyrën e shefit të Financës në Bashkinë Memaliaj, ndërsa më herët kishte qënë shef Finance në komisariatin e këtij qyteti.
Viktimë në aksident mbeti edhe shoku i tij Syrja Hysa që ishte shef Finance në njësinë Administrative Qesaret. I vetmi që i mbijetoi aksidentit ishte Erion Sina, përgjegjës i Monumenteve të Kulturës në Tepelenë./a.m.
